Hajvalia vazhdon të jetë në krizë të thellë financiare dhe kjo vërtetohet edhe nga borxhi që iu ka mbetur disa lojtarëve.
E njëri ndër ta që nuk i mori dy paga dhe 25 për qind të parave të kontratës, është portier, Petrit Tahiri.
Një gjë të tillë e ka konfirmuar për Infokusi.com, portieri i njohur nga Vushtrria.
“Jam ndarë me Hajvalinë para rreth 1 muaji. Por, nuk jam ndarë ashtu siç është dashur, pasi nuk i kam marr dy paga dhe 25 për qind të parave të kontratës. Unë kur kam nënshkruar kontratë jam marr vesh me drejtorin, Xhavit Pacolli, i cili për 4 muaj më ka thënë që do t’i marr paratë dhe në fund tregon një sjellë jo të hijshme me mua”, tha Tahiri që djersiti fanellën e Hajvalisë për një vit.
Ai e ka falënderuar, Medën, Ragip Muratin dhe Xhavit Pacollin për moskorrektësi.
“E falënderoi Hajvalinë, pronarët e tyre Ragip Muratin , Medën e Xhavit Pacollin për mos korrektësi dhe mos kryerjen e obligimeve ndaj neve lojtarëve . Kanë dhënë premtime të mëdha në opinion Meda me bashkëpuntorët e vet, por realiteti është ndryshe . InshaAllah bahën qirak me djersën tonë dhe unë kurrë hallall nuk ua bëjë”, u shpreh Tahiri, i cili theksoi se për 8 muaj ka qëndruar në portë i lënduar për t’iu dalë në fjalë dhe në fund përveç që nuk i ka marr parët, nënvizon se ende e ka dorën e lënduar.
Ndërkohë, Infokusi.com, merr vesh shumica e futbollistëve që janë larguar, Hajvalia iu ka mbetur borxh.
Për më shumë, shikojeni më poshtë bisedën që ka zhvilluar portieri Tahiri me Xhavit Pacollin, i cili ka dhënë dorëheqje sot.
