Kenny ‘kennyS’ Schrub pak ditë më parë është bërë pjesë e ekipit Falcons, pasi kaloi një kohë të gjatë në stolin e G2.
Tashmë kennyS ka zhvilluar ndeshjen e tij të parë me ekipin Falcons, ku mposhtën ekipin tjetër francez LDLC me rezultat të përgjithshëm 2-0 me mapa.
Edhe pse rezultati ishte i ngushtë 16-14 në të dyja mapat, skuadra e kennyS shënoi një fitore me rëndësi, duke kaluar në çerekfinale të turneut European Development Championship.
Snajperisti edhe pse ishte për një kohë jashtë skenës profesionale, pati paraqitje të mirë në ndeshjen ndaj LDLC, ku realizoi 47 eliminime, dhe mori vlerësimin 1.35 nga HLTV.
Një pjesë të momenteve më të mira të tij e ka postuar vetë lojtari në kanalin e tij zyrtar në Youtube, të cilën mund ta ndiqni më poshtë. /Telegrafi/
