Në nderim të Diego Maradonës, Napoli zbuloi një statujë të re të tij në stadiumin e tyre përpara ndeshjes kundër Sassuolos, në të cilën triumfuan me rezultat 4-0.
Legjenda argjentinase do të mbushte 62 vjeç nesër (e diel) dhe kjo është arsyeja pse Napoli donte të festonte me Maradonën.
Maradona gjithashtu luajti te Barcelona, Sevilla dhe Boca Juniors gjatë karrierës së tij.
Statuja tregon Maradonën me një këmbë të majtë të artë, duke përjetësuar legjendën e Napolit që udhëhoqi ekipin drejt trofeve të mëdha.
Napoli unveiled a Diego Maradona statue ahead of today's game and it's perfect 👏 pic.twitter.com/mzJPUWQLxK
— ESPN FC (@ESPNFC) October 29, 2022
Kjo statujë do t’i bashkohet një tjetër që është për Maradonën, e cila u vendos në stadium në vitin 2020 pas vdekjes së tij.
Fituesi i Kupës së Botës 1986 nderohet në Napoli, pasi ai drejtoi skuadrën në titullin e tyre të parë në Serie A në sezonin 1986-87.
Ndërmjet viteve 1984 dhe 1991 kur ishte te Napoli, ai bëri 259 ndeshje dhe shënoi 115 gola.
Maradona fitoi dy trofe të Serie A dhe një UEFA CUP në vitin 1989./Telegrafi/