Bayer Munich ka pësuar një humbje befasuese në udhëtim te Augsburgu me rezultat minimal 1-0.
Kjo humbje erdhi pasi për vendasit realizoi gol sulmuesi kosovar Mërgim Berisha, duke i futur në krizë kampionët e Gjermanisë.
Në fakt për Bayernin ndeshja ndaj Augsburgut ishte e katërta pa fitore në elitën e futbollit gjerman gjë që si ka ndodhur atyre për një kohë shumë të gjatë.
Por përkundër humbjes së pësuar, trajneri i Bayernit, Julian Nagelsmann ka fajësuar futbollistët e tij duke mos marrë përgjegjësinë mbi vete.
“Nuk është aq e lehtë të gjesh fjalët e duhura. Kishim shumë shanse. Ne e luajmë topin në mënyrë shumë të shkujdesur. Unë do të mendoj për këtë dhe më pas do të shohim se si do të shkojë”, deklaroi trajneri gjerman.
E për humbjen e pësuar dhe situatën e krijuar në klub ka folur edhe drejtori sportiv i Bayernit, Hasan Salihamidzic.
“Ne nuk kemi fituar në katër ndeshje në Bundesligë, kemi marrë tre nga dymbëdhjetë pikë të mundshme, kështu që jam pak i shqetësuar”, tha boshnjaku. /Telegrafi/