Kastriot Jahaj ka vazhduar me fushatën elektorale në vendlindje.
Kandidati për deputet i subjektit politik Alternativa, e cila është në koalicion parazgjedhor me LDK-në dhe AKR-në, ka takuar qytetarët e Hasit të Prizrenit.
Treva e Hasit njihet për zejen e bukëpjekësit, por Jahaj ka premtuar se do të ndihmojë në hapjen e një shkolle profesionale për bukëpjekës, transmeton Telegrafi.
“Bashkëvendësit e mi, hasjanët më të vendosur se kurrë për ndryshime. Hasit i duhen përfaqësues që do të punojnë për përmirësim të infrastrukturës, stabilizim të gjendjes me ujë të pijshëm, edukim parashkollor dhe profesional për bukëpjekës”, ka shkruar Jahaj në Facebook.
Ndryshe, zgjedhjet e parakohshme parlamentare do të mbahen më 3 qershor (e diele). /Telegrafi/
