Telegrafi

Kaos në parlamentin japonez – përleshen deputetët e pozitës dhe opozitës

Kaosi shpërtheu brenda parlamentit japonez, ndërsa ligjvënësit e krahut të majtë shkaktuan një përleshje në një përpjekje për të bllokuar një projekt-ligj të diskutueshëm të imigracionit.

Ish-aktori japonez dhe ligjvënësi i famshëm, Taro Yamamoto, lideri i partisë anti-establishment Reiwa Shinsengumi, u desh të ndalej teksa u hodh drejt liderëve të opozitës gjatë procedurave, tregojnë pamjet e shfaqura në Twitter.

Përleshja solli një pushim të përkohshëm të debatit mbi projektligjin, por nuk arriti ta ndalonte në tërësi, e cila miratoi Dhomën e Lartë të legjislaturës së vendit – të quajtur Dieta Kombëtare – dhe pritet të votohet përfundimisht sot në mbrëmje, raporton nypost.

“Përdorimi i këtij projektligji është i papranueshëm”, kundërshtoi anëtari i Partisë Komuniste Japoneze, Sohei Nihi.

“Kjo është arsyeja pse ne kërkojmë që ajo të tërhiqet dhe të zhvillohen diskutime të plota”, shtoi ai.

Çështja kryesore është një propozim kundërthënës për rishikimin e rregullave të imigracionit në Japoni dhe zvogëlimin e kohës së pritjes së imigrantëve- pjesë e një debati të vazhdueshëm.

Projektligji ka mbështetjen e koalicionit të shumicës, por ka tërhequr kundërshtime të forta nga ligjvënësit progresivë, të cilët argumentojnë se ai nuk shkon aq larg sa duhet për të mbrojtur të drejtat e refugjatëve dhe azilkërkuesve dhe nuk arrin të përmirësojë kushtet për ata që tashmë janë në Japoni.

Projektligji i ri kërkon të rrisë mbikëqyrjen mjekësore të të paraburgosurve dhe të përmirësojë trajnimin e kujdestarëve.

Udhëheqësit e opozitës si Yamamoto, megjithatë, argumentojnë se kjo nuk garanton kushte të përmirësuara për azilkërkuesit, veçanërisht fëmijët, dhe nuk arrin të adresojë dështimet në procesin e aplikimit për azil. /Telegrafi/