Plot tetë qytete pritëse të Kampionatit Evropian kanë dhënë miratimin zyrtar për të lejuar praninë e pjesshme të tifozëve në stadiume, gjatë garës më të rëndësishëm në kontinent, ndërsa UEFA mbetet në pritje të përgjigjes nga katër qytete të tjera.
Roma, Monaco, Bilbao dhe Dublini kanë afat deri më 19 prill që të diskutojnë ende me autoritetet shtetërore e shëndetësore, për të marrë miratimin me shkrim për hapjen e stadiumeve në masën minimale prej 25-30 për qind të kapacitetit.
Synimi i UEFA-s është që të gjithë ndeshjet e Kampionatit Evropian të luhen me praninë e publikut në shkallët e stadiumit.
🏆 Spectators will be allowed to return safely to venues for #EURO2020.
🏟️ 8 host cities have confirmed stadium capacities. Decisions on matches in the remaining 4 host cities will be made on 19 April.
More info on tickets, relevant travel restrictions & more 👇👇👇
— UEFA EURO 2024 (@EURO2024) April 9, 2021
Shën Petërburg, Budapest, Baku, Amsterdam, Bukuresht, Kopenhagën, Glasgou dhe Londra kanë dhënë miratimin për hapjen e stadiumeve.
Edhe katër qytetet pritëse si Roma, Dublini, Monaco e Bilbao kanë marrë një miratim paraprak për hapjen e stadiumeve, por UEFA u ka dhënë afat deri më 19 prill që të kompletojnë dosjen. /Telegrafi/