Kapaciteti: 35, 212
Hapur: 2018.
Klima: Mesatarja më e madhe 22 shkallë celsius dhe më e ulëta 12 shkallë celcius me 50% gjasa për rreshje shiu.
Distanca e përafërt me Moskën: 1239 kilometra
Lokacioni: Kaliningradi është qendra administrative e Kaliningrad oblastit, një eksklave ruse e vendosur në Detin Baltik, në ‘sanduiç’ mes Polonisë në jug dhe Lituanisë në veri e lindje.
I dizajnuar pak a shumë si Allianz Arena i Munichut, stadiumi i ri i Kaliningradit ka qenë i prekur nga ndërprerje dhe vështirësi, përfshirë bankrotimin e kompanisë përgjegjëse për dizajnin e këtij stadiumi. Ishte menduar fillimisht si një stadium 45 mijë ulësesh me mbulim lëvizës. Sidoqoftë, është bërë një tërheqje në plan duke vendosur për një stadium më modest pa mbulim me 35 mijë ulëse që do të jetë nikoqir i ndeshjeve të fazës grupore.
Pas Botërorit, stadiumi do të ketë 10 mijë ulëse të larguara për t’u bërë shtëpia e ekipit të kategorisë së dytë të futbollit rus, Baltika Kaliningrad, që ka pasur një mesatare të shikueshmërisë prej vetëm 3500 shikuesish sezonin e kaluar.
Ndeshjet e fazës grupore: Kroaci v Nigeri (e shtunë, 16 qershor, 21:00), Serbi v Zvicër (E premte, 22 qershor, 20:00), Spanjë v Maroko (e hënë, 25 qershor, 20:00), Angli v Belgjikë (e enjte, 28 qershor, 20:00).
Ndeshjet e fazës së eliminimit direkt: Nuk ka.
