Komuna e Gjilanit njofton se ka nisur rrënimi i objektit të Stacionit të Autobusëve në Gjilan, për tu ndërtuar objekti i ri ku edhe është vënë gurëthemeli.
Kryetari i Komunës së Gjilanit, Alban Hyseni, tha se nga renderat në prezantim, nga prezantimi në punim dhe nga punimi shumë shpejt në përfundim.
“Kemi nisur punimet për projektin e ndërtimit të Stacionit të Autobusëve në Gjilan, një investim prej 1 milion eurosh që do ta transformojë këtë hapësirë në një qendër moderne dhe funksionale për qytetarët tanë”, tha Hyseni.
Ndër të tjera, Hyseni tregoi se objekti i vjetër do të rrënohet dhe do të ndërtohet i riu.
“Ky projekt është shumë i rëndësishëm për udhtarët dhe transportuesit vendës e të huaj, ku do të kenë kushte e shërbime cilësore”, tha Hyseni.
Sipas tij ky projekt madhor, do të shënojë një epokë të re për transportin në qytetin e Gjilanit. /Telegrafi/