Pas sëmundjes së rëndë, sot ka ndërruar jetë ish-futbollisti i Prishtinës, Sabit Dallku.
“Sabiti ka luajtur për Prishtinën në fundvitet 70-ta dhe në fillim të viteve 80-ta. Sabiti ka qenë mbrojtës me nam i skuadrës më të madhe në vend, Prishtinës”.
“Ka qenë pjesë e gjeneratës e cila pati filluar të krijohet me trajner Ilija Dimovskin, e që pastaj patën arritur majën e futbollit ish-jugosllav”.
I nderi Sabiti, i ka edhe dy djemtë futbollistë, Armend dhe Ardin Dallkun.
“Hapave të babait me shumë sukses në karrierën e futbollit e kanë përcjell të dy djemtë, Armendi tani kapiten i Prishtinës, dhe Ardini futbollist i Vorskla Poltavës nga Ukraina”.
“FC Prishtina shpreh ngushëllimet më të përzemërta familjes Dallku. Kujtimi për Sabitin do të jetë përgjithmonë në zemrat tona!”, thuhet në njoftimin e klubit prishtinas.
Varrimi i të ndjerit bëhet nesër më 15 mars me kohë të “Xhuma-s” në varrezat e Vushtrrisë. /Telegrafi/