Ka filluar finalja e madhe e turneut miliona dollarësh të video-lojës Dota 2 – The International

Tashmë ka filluar finalja e madhe e The International në Singapor, ku po përballen ekipet Tundra Esports dhe Team Secret, të cilat po garojnë për një grup çmimesh më shumë se 8 milion dollarë.

Pas shumë ndeshjeve fantastike në turneun më të madh të Dota 2, The International 11, Tundra Esports dhe Team Secret janë dy ekipet të cilat po përballen në finalen e madhe në formatin ‘Bo5’.

Në garën e madhe The International gjithsej 20 ekipe garuan për një grup çmimesh më shumë se 18 milion dollarë.

Ekipi Tundra Esports gjatë rrugëtimit për në finale nuk pësoi asnjë humbje në fazën e Play-Off, ku e mposhti edhe ekipin Team Secret në “Upper Bracket Final”.

Tani në ndeshjen finale përsëri ekipi Tundra Esports është duke u treguar më i mirë se ekipi Team Secret, ku dominuan mapin e parë duke kaluar në epërsi me rezultat 1-0.

Finalen e madhe ndërmjet Tundra Esports dhe Team Secret mund ta ndiqni në kanalin zyrtar të Dota2ti në platformën Twitch. /Telegrafi/