Junta ushtarake në Mianmar sot ka liruar më shumë se 600 persona nga burgu, por jo edhe Aung San Suu Kyi.
Gjersa paraqitja para gjykatës së liderës të autoriteteve civile të Mianmarit, Aung San Suu Kyi, e arrestuar gjatë grushtit të shtetit ushtarak, sërish është shtyrë.
“Sot, ne liruam 360 burra dhe 268 gra nga Burgu Yangon”, tha një zyrtar i burgut i cili kërkoi të mbetet anonim, shkruan theguardian.
Një numër i madh civilësh janë ende në paraburgim, pasi që më shumë se 2,800 njerëz janë arrestuar që kur ushtria organizoi një grusht shteti më 1 shkurt.
Aung San Suu Kyi, 75 vjeç, duhej të paraqitej në gjykatë sot. Një seancë e planifikuar përmes video lidhjes video mund të mbahej për shkak të mungesës së internetit të ndërprerë për të izoluar vendin. Avokati Aung San Suu Kyi, i cili nuk ka leje të takohet me klientin, tha se seanca tjetër është caktuar për 1 prill.
Protestat kundër grushtit të shtetit kanë vazhduar që nga 1 shkurti dhe janë kryesisht paqësore. Një numër i madh civilësh janë shënjestër e ushtrisë. Një vajzë shtatë vjeçare u qëllua për vdekje dje në shtëpinë e saj në Mandalay. /Telegrafi/