Një burrë nga Koreja e Jugut është dënuar me 14 muaj burgim për vrasjen e 76 maceve, një prej rasteve më të rënda lidhur me vrasjen e kafshëve në vitet e fundit.
Burri në të 20-at u dënua javën e kaluar, kurse gjykata në Changwon në jug të Koresë së Jugut nuk ka pranuar të zbulohet identitet i të dënuarit, transmeton Telegrafi.
Vrasjet i kishte kryer mes dhjetorit 2022 e deri në shtator të 2023, kjo për shkak se urrejtja ndaj kësaj kafshe i ishte “mbjellur në kokë”, pasi macet ia kishin gërvishtur veturën.
Këtë e ka pranuar edhe gjatë procesit gjyqësor, shkruan Associated Press. Ato i kishte zënë në rrugë e disa i kishte adoptuar përmes disa ueb-faqeve – duke i mbytur me gërshërë.
Në anën tjetër, avokati i tij mbrojtës ka njoftuar se do të apelojnë vendimin e gjykatës, duke u shprehur se nuk pajtohen me vendimin. /Telegrafi/