Jorge Jesus së shpejti duhet të bëhet përzgjedhës i Arabisë Saudite.
Sauditët kanë filluar investime masive në futboll dhe kanë sjellë tashmë një numër lojtarësh nga Evropa në klubet e tyre më të mëdha, dhe tani ata duan të ndërtojnë performancën solide të kombëtares në Kupën e Botës në vitin 2026.
Eksperti portugez me përvojë është njeriu që kanë zgjedhur si drejtues të projektit dhe kanë përgatitur një kontratë të madhe për të.
Jesus duhet të fitojë 10 milionë euro në vit, gjë që do ta bënte atë përzgjedhësin më të paguar në botë.
Ai do të linte pas Hansi Flick, i cili merr një pagë prej 6.5 milionë euro në vit në bankinën gjermane.
Jesus është aktualisht i lirë pas largimit nga Fenerbahce. Më parë ai ka drejtuar me sukses Benfican dhe ka fituar Copa Libertadores dhe titullin kampion me Flamengon braziliane. /Telegrafi/