Ka përfunduar java e 23-të në elitën e futbollit kosovar me disa befasi.
Golashënuesi më i mirë në elitë, nigeriani Oto John edhe këtë javë vazhdoi ta bëjë atë që di më së miri, të shënoj gola.
Në fitoren e Trepçës ’89, John shënoi dy gola ndaj Lirisë 2-0.
Kësisoj nigeriani ka arritur shifrën e 19 golave në elitën e futbollit kosovar.
Ndërkohë i dyti në renditje mbetet mesfushori ofensivë i Trepçës ’89, Florent Hasani që ka tundur 11 herë portën e kundërshtarëve.
Pozitën e tretë e mbanë sulmuesi i Drenicës, Granit Arifaj me 10 gola.
Qemajl Elshani dhe Fiton Hajdari mbajnë pozitën e katërt së bashku me nga tetë gola. /Telegrafi/
Lista e golashënuesve
Otto John – 19 gola
Florent Hasani – 11 gola
Granit Arifaj 10 gola
Qemajl Elshani 8 gola
Fiton Hajdari 8 gola
Betim Haxhimusa 7 gola
Shkumbin Salihu 7 gola
Hasan Hyseni 7 gola
Florim Berbatovci 7 gola