Projekti i Erik ten Hag në Old Trafford më në fund po sjell buzëqeshje në fytyrat e lojtarëve dhe tifozëve të Manchester United pas fitoreve të njëpasnjëshme kundër Liverpool dhe Southampton.
Nënshkrimet e Casemiros për 70 milionë euro dhe të Antony nga Ajax për 100 milionë euro, kanë shtuar apetitet e tifozëve.
Klubi do të sjell Martin Dubravkan si konkurrencë për David de Gea për 5 milionë euro dhe Cody Gakpo nga PSV Eindhoven për rreth 50 milion euro.
Kur kanë mbetur edhe dy ditë deri në mbylljen e afatit kalimtar, Manchester United që njihet për blerjet në vitet e fundit ka harxhuar sezonin e kaluar miliona euro për ardhjen e Jadon Sancho (85 milionë euro), Raphael Varane (40 milionë euro) dhe Cristiano Ronaldo (15 milionë euro ). Në total 140 milionë euro nënshkrime.
Shpenzimet urgjente të Manchester United
Pas largimit të Ole Gunnar Solksjaer, rindërtimi i Man United filloi këtë verë me emërimin e Ten Hag dhe ardhjen e Lisandro Martinez (57 milion euro), Tyrell Malacia (15 milion euro) dhe Christian Eriksen (i lirë).
Një fillim i dobët i sezonit, me humbje ndaj Brighton dhe Brentford, e pa klubin me më shumë tituj në kampionat të rrënjosur në fund të tabelës, duke i detyruar ata të kthehen në treg.
Me kompletimin e marrëveshjes me Casemiron, Manchester United e ktheu vëmendjen te sulmuesi brazilian Anthony, i cili i ka kërkuar Ajaxit ta lërë të largohet dhe ia arriti qëllimit.
Antony ka kaluar testet mjekësore me Djajtë e Kuq dhe ka nënshkruar me klubin.
An agreement has been reached for the transfer of @Antony00 🤝🔴#MUFC
— Manchester United (@ManUtd) August 30, 2022
Dubravka është gjithashtu në horizont, ashtu si edhe Gakpo , i cili ka folur publikisht për ardhjen e tij të mundshme në Old Trafford.
Në total, Manchester United mund të shpenzojë 225 milionë euro në javën e fundit të afatit kalimtar të verës. /Telegrafi/