Jadon Sancho fitoi një penallti për Borussia Dortmundin në duelin ndaj Kolnit në Bundesliga, por nuk u lejua që ta marrë përsipër ekzekutimin e saj nga një bashkëlojtar i tij.
Reprezentuesi anglez luajti ndeshjen e tij të dytë për Dortmund, që prej se iu ribashkua atyre në formë huazimi nga Manchester United më herët gjatë këtij muaji.
Sancho kishte probleme fizike për shkak të përjashtimit të tij prej katër muajsh nga ekipi i parë i United, mirëpo kjo nuk e pengoi atë që të dhurojë një performancë të mirë për 36 minuta lojë, në përballjen ndaj Darmstadt-it javën e kaluar, ku aty dhuroi një asistim.
Tani në ndeshjen e tij të dytë pas ribashkimit me klubin, Sancho fitoi një penallti në minutat e para të pjesës së dytë.
Loan watch: Jadon Sancho wins the penalty for BVB. 🙃
pic.twitter.com/52wqsNP6p0— Out Of Context Man Utd (@ManUtdNoContext) January 20, 2024
Ai u fut me shpejtësi brenda zonës së rrezikshme dhe u ndal me faull nga qendërmbrojtësi danez, Rasmus Cartensen.
Sulmuesi gjerman, Niclas Fullkrug, mori përgjegjësinë për të ekzekutuar penalltinë dhe këtë e bëri me sukses duke shënuar për 2-0.
Sipas gazetarit të Sky Germany, Patrick Berger, ani pse Sancho ‘iu lut’ 30-vjeçarit që ta marrë përsipër penalltinë, Fullkrug e refuzoi kërkesën e tij./Telegrafi/