Anësori i Manchester United, Jadon Sancho është rikthyer në stërvitje pasi kaloi një kohë të gjatë jashtë fushës për shkak të problemeve të shëndetit fizik dhe mendor.
Sancho luajti për herë të fundit për Djajtë e Kuq më 22 tetor në barazimin 1-1 kundër Chelseat në Ligën Premier. Ai humbi ndeshjet kundër Aston Villas, Fulhamit dhe Real Sociedadit për shkak të lëndimeve.
Ish-lojtari i Borussia Dortmundit gjithashtu u hoq nga skuadra e Anglisë për Kupën e Botës 2022 nga Gareth Southgate.
Ndërsa sezoni i United rifilloi pas pushimit të Kupës së Botës FIFA 2022, Sancho mungonte. Ai stërviti me trajnerë holandezë në Holandë nën udhëzimet e Erik ten Hag.
Trajneri i Manchester United tha për mediat muajin e kaluar se ai nuk ishte i sigurt për një datë të mundshme të kthimit të Sancho.
“Kam pasur disa biseda me Jadon, ai është në një program fizik dhe qëllimi ynë është ta kthejmë atë sa më shpejt të jetë e mundur, por nuk mund të jap një prognozë se kur do të jetë kjo”, kishte deklaruar Ten Hag.
Sancho ka luajtur 14 ndeshje për skuadrën këtë sezon, duke shënuar tre gola dhe duke dhënë një asistim./Telegrafi/