Site icon Telegrafi

Izraelitët kryejnë sulme të ashpra ajrore mbi Hezollahun në jug të Libanit – video të ndryshme qarkullojnë në rrjetet sociale

Burim Tmava

Ushtria izraelite e njohur si IDF, ka filluar një valë të re të sulmeve ajrore kundër objektivave të Hezbollahut në jug të Libanit.

Mediat libaneze raportojnë se po ndodhin sulme të rënda ajrore në zona të ndryshme në jug të vendit, transmeton Telegrafi.

Sulmet erdhën pasi IDF-ja paralajmëroi se do të shënjestrojë armët dhe depot e municionit të Hezbollahut që i fshehin në shtëpitë civile – duke theksuar se kanë identifikuar operativë të Hezbollahut që po përgatiten të kryejnë sulme me raketa mbi Izraelin.

Zëdhënësi i IDF-së, Avichay Adraee thotë se sulmet mbi shtëpitë në Liban në të cilat Hezbollahu po fsheh armët “janë të pashmangshme”.

“Hezbollahu po ju gënjen dhe po ju sakrifikon. Raketa dhe dronët e saj janë më të vlefshme dhe më të rëndësishme sesa ju”, shtoi Andraee në një mesazh në gjuhën arabe dërguar për civilët libanezë.

Civilët libanezë janë paralajmëruar që të distancohen nga zonat që i përdor grupi i mbështetur nga Irani. IDF-ja madje u ka dërguar mesazhe banorëve – sikurse edhe i telefonoi. /Telegrafi/

Exit mobile version