Site icon Telegrafi

Izraeli sulmon Sirinë, paraushtarakët iranianë konfirmojnë vdekjen e katër anëtarëve

Nol Elshani

(E plotësuar) Korpusi i Gardës Revolucionare iraniane ka konfirmuar se katër këshilltarë ushtarakë janë vrarë në një sulm në Damask, Siri, raportoi televizioni shtetëror iranian Press TV.

Duke rishikuar numrin e të vdekurve, ata akuzuan Izraelin për vrasjen e anëtarëve të tyre, raporton skynews.

Një komandant i IRG-së dhe një nga zëvendësit e tij ishin në mesin e të vrarëve, sipas mediave shtetërore siriane.
​
Izraeli sulmon Sirinë, raportohet për viktima

Izraeli ka zgjeruar sulmet tashmë edhe në shtetin e Sirisë.

Ushtria izraelite ka organizuar një sulm në shtetin sirian, ku raportohet se kanë vdekur disa persona.

Në sulmin e organizuar në kryeqytetin Damask raportohet se janë vrarë dy anëtarë të Gardës Revolucionare të Iranit ndërsa kanë pësuar lëndime disa të tjerë, raporton skynews.

Televizioni shtetëror raportoi se “agresioni izraelit” shkatërroi një ndërtesë banimi në lagjen perëndimore të Damaskut, Mazzeh.

Lagjja është shtëpia e disa misioneve diplomatike, duke përfshirë ambasadat libaneze dhe iraniane.

Muajin e kaluar, një sulm ajror izraelit në një periferi të Damaskut vrau gjeneralin iranian, Seyed Razi Mousavi, këshilltar për një kohë të gjatë i Gardës Revolucionare paraushtarake iraniane në Siri.

Në fillim të këtij muaji, një sulm që thuhet se ishte kryer nga Izraeli vrau komandantin e lartë të Hamasit, Saleh Arouriin Beirut.

Raketat janë lëshuar gjithashtu nga Siria në veri të Izraelit dhe në lartësitë e Golanit të pushtuara nga Izraeli gjatë javëve të fundit. /Telegrafi/

Exit mobile version