Nëntëmbëdhjetë raketa u hodhën këtë mëngjes nga Libani jugor drejt Izraelit, njoftoi ushtria izraelite, duke u përgjigjur me një sulm artilerie.
Shumica e raketave të Libanit u ndaluan nga sistemi anti-raketor Iron Dome i Izraelit, tha ushtria. Nuk ka raporte për dëme apo viktima deri më tani.
Hezbollahu pro-iranian tha se gjuajti me raketa Izraelin në shenjë hakmarrje për një sulm ajror izraelit të enjten.
WATCH: More than 10 rockets were fired from Lebanon into Israel, most of which were intercepted by The IDF Aerial Defense System. pic.twitter.com/tRlG7MCe0J
— Israel Defense Forces (@IDF) August 6, 2021
Sirenat paralajmëruese dëgjohen në të gjithë Galilenë e Epërme dhe Lartësitë Golan. Një burim libanez i sigurisë tha se raketat u lëshuan nga zona al-Arkuba, pranë qytetit libanez të Sheba.
Është dita e tretë e konflikteve ndërkufitare që kërcënojnë një periudhë paqeje midis dy vendeve që nga viti 2006, kur Izraeli dhe Hezbollahu luftuan një muaj.
Izraeli gjithashtu iu përgjigj raketave të lëshuara nga Libani dy ditë më parë me sulme artilerie dhe ajrore, mes tensioneve me Iranin, i cili ka një president të ri, të ashpër. /Telegrafi/