Filipinet thonë se kanë hequr një pengesë lundruese të instaluar nga Kina për të bllokuar anijet e peshkimit filipinas që hyjnë në një zonë të kontestuar në Detin e Kinës Jugore.
Roja bregdetare e Filipineve tha se ishte udhëzuar për ta bërë këtë nga presidenti Ferdinand Marcos Junior, shkruajnë mediat e huaja, përcjell Telegrafi.
Manila thotë se Kina shkeli të drejtat e saj të peshkimit me barrierën 300 metra në Scarborough Shoal.
Kina pretendon më shumë se 90% të Detit të Kinës Jugore dhe e “pushtoi” atë në vitin 2012.
Pekini mbrojti veprimet e rojës së saj bregdetare, duke deklaruar se ato ishin “masa të nevojshme”.
“Pengesa përbën një rrezik për lundrimin, një shkelje e qartë e ligjit ndërkombëtar. Ajo gjithashtu pengon kryerjen e peshkimit dhe veprimtarive të jetesës së peshkatarëve filipinas”, tha roja bregdetare e Filipineve në një deklaratë.
Ajo e përshkroi bregun si “një pjesë integrale e territorit kombëtar të Filipineve”. /Telegrafi/