Ish-kryeministri i Pakistanit, Imran Khan, ka zbuluar detaje të sulmit të tij pasi u qëllua gjatë një tubimi në një fjalim drejtuar vendit.
Khan tha se ai u qëllua katër herë, me dy plumba që goditën secilën nga këmbët e tij, gjatë një marshimi proteste në Pakistan të enjten.
Duke përshkruar lëndimet e tij, një mjek në dhomë tha se ai u godit “në kofshën e djathtë (me) dy plumba” dhe “në kofshën e majtë dy plumba” – duke shtuar se “tibia e tij e majtë ishte thyer”.
Mjeku tha se kishte një frakturë në këmbën e djathtë të Khan dhe pranë arteries kryesore kishte disa fragmente plumbash, transmeton Telegrafi.
“Nëse do të ishte goditur atje, do të kishte pasur shumë gjakderdhje”, tha ai.
“Ne i hoqëm këto katër fragmente plumbash, por ato nuk prekën asnjë strukturë të madhe”.
Ai shtoi: “Pasi të shërohem, do të dal sërish në rrugë”.
Khan tha se dy sulmues u përpoqën ta vrasin atë dhe ata vranë një person dhe plagosën 11 të tjerë.
Ai deklaroi se tre persona kishin hartuar planin për ta vrarë atë, por nuk dha emra dhe nuk dha prova për pretendimet e tij.
Ish-kryeministri dha një intervistë për Sky News dy orë para se të qëllohej, ku tha se shpresonte se nuk do të kishte dhunë gjatë marshimit të tij në të gjithë vendin. /Telegrafi/