Irani u bë skuadra e 14-të që kualifikohet në Kupën e Botës 2022 në Katar, pasi mposhti Irakun (1-0).
Goli i sulmuesit të Portos, Mehdi Taremi i dha Iranit kualifikimin tre ditë para përfundimit të fazës kualifikuese aziatike në grupin A.
Skuadra persiane ka shtuar 19 pikë nga 21 të mundshme që i kanë dhënë kalimin për të tretin Botëror radhazi. Ata ishin prezent në Brazil 2014 dhe Rusi 2018, por nuk dolën përtej grupeve. Në Katar ata do të përpiqen të shkojnë më tej.
🇮🇷 Iran confirm their place in the 2022 @FIFAWorldCup! #AsianQualifiers pic.twitter.com/lh6h1xTdHL
— #WAC2022 (@afcasiancup) January 27, 2022
Një tjetër përfaqësuese që është afër kualifikimit është Koreja e Jugut. E dyta në grupin A, fitorja e tyre në Liban (0-1), falë golit të Cho, i vendos një hap larg kalimit tutje.
Përveç kësaj, golat e Osakos (penallti) dhe Ito i dhanë fitoren Japonisë (2-0) ndaj Kinës, e cila nuk ka luajtur një Botëror që nga viti 2002.
Pure exhilaration 💪🏽🇮🇷
The #RoadToQatar is paved by these national heroes at the 📍 Azadi Stadium 🏟 tonight!#AsianQualifiers pic.twitter.com/xxY3Pj3l49
— #WAC2022 (@afcasiancup) January 27, 2022
Në grupin B, Arabia Saudite është kryesuese me 16 pikë (me një ndeshje më pak), Japonia është e dyta me 15 dhe Australia e treta.
14 ekipe të kualifikuara
Kanë mbetur vetëm edhe 18 skuadra që do ta sigurojnë Botërorin që do të nisë më 21 nëntor. Tashmë 14 janë klasifikuar.
Nga Evropa kanë kaluar tutje, Spanja, Serbia, Danimarka, Holanda, Zvicra, Kroacia, Franca, Anglia, Belgjika dhe Gjermania.
Në Amerikën e Jugut tutje kanë kaluar Argjentina dhe Brazili dhe në Azi është Katari si mikpritës dhe Irani. /Telegrafi/