Agjenti i mesfushorit të Bolognas, Godfred Donsah, ka konfirmuar se Nerazzurët e duan mesfushorin.
21 vjeçari ka impresionuar për ekipin që drejtohet nga Roberto Donadoni dhe tash po lidhet me një kalim te San Siro.
Agjenti i lojtarit tash ka konfirmuar se mesfushori po kërkohet nga zikaltrit dhe se ai do të kalojë sipas të gjitha gjasave te Interi në janar.
“A e dëshiron Interi atë? Asnjë prej drejtorëve nuk më ka kontaktuar për shkak se jam në Ganë, por duket e qartë se Interi po mendon për të”.
“Mendoj se është lajm i mirë, do të thotë se lojtari po rritet. Do të ishte një mundësi e rëndësishme për të. A mund të ndodh në janar? Ai është një lojtar kyç për Donadonin. Por, mendoj se është e mundur. Interi është top klub dhe të gjithë duan të luajnë për Interin”.
“Në verë ai ka pasur çmim prej 10 milionë eurosh, pro tash besoj se është rritur. Donsah dëshiron të arrijë synimet e tij dhe do të ishte i lumtur të luftonte për Nerazzurët”, deklaroi agjenti i lojtarit.
Nerazzurët kanë nisur suksesshëm sezonin me gjashtë fitore dhe vetëm një barazim.
/Telegrafi/