Napoli ka vazhduar ta shijojë futbollin që po bën këtë sezon duke regjistruar një tjetër triumf në Serie A.
Partenopei ishin bindës në fitoren prej 4-0 kundër Lazios në Stadio ‘Diego Armando Maradona’ duke u zhvendosur në krye të tabelës më tri pikë më shumë se Milani që pësoi humbje nga Sassuolo në San Siro.
Piotr Zielinski e hapi serinë e golave për të vazhduar me një dysh të Dries Mertens, ndërsa rezultatin përfundimtar e vendosi Fabian Ruiz.
Lojtarët e liderit të Serie A nuk mund ta kufizonin festën vetëm brenda lojë, porse ata vazhduan edhe pas fishkëllimës së fundit të gjyqtarit.
Derisa Mertens po e jepte intervistën pas ndeshjes për DAZN, Lorenzo Insigne i fsheh prapa tabelës së reklamave dhe e lagu me ujë bashkëlojtarin e tij. /Telegrafi/
😂 INSIGNE SCATENATO
💦 scherzo a MERTENSmentre il belga era a DAZN, il capitano si è nascosto e l’ha bagnato con una bottiglia d’acqua #NapoliLazio pic.twitter.com/krU8ATiO6I
— Manuel Guardasole ✍🏻 (@MGuardasole) November 28, 2021