Një rast i çuditshëm është regjistruar në spitalin “Fortis” në New Delhi, ku është shfaqur një i ri 23-vjeçar. Ai u ankua për disa ditë probleme me stomakun, ndaj iu nënshtrua analizave.
Pacienti shpjegoi se kishte konsumuar ushqime të shpejta në tregun lokal dhe dyshonte se ky ishte shkaku i problemeve shëndetësore. Nuk e kishte idenë se çfarë lloj befasi e priste.
Mjekët vendosën të bëjnë një endoskopi të traktit të sipërm të tretjes, dhe më pas zbuluan një buburrecë në zorrën e hollë, transmeton Business Insider.
Doli se një insekt i gjatë tre centimetra ishte fajtor për dhimbjen, dispepsi dhe fryrje.
Delhi News: पेट दर्द से परेशान था शख्स, डॉक्टर्स ने की जांच, तो आंत में दौड़ रहा था cockroach.#delhinews #cockroach #viralvideo #inkhabar #LatestUpdates pic.twitter.com/3SkNPZq5fk
— InKhabar (@Inkhabar) October 14, 2024
“Një kacabu në zorrën e hollë është kërcënuese për jetën. Ne vazhduam me një endoskopi për ta hequr atë. Përndryshe, mund të kishte shkaktuar infeksion të rëndë dhe komplikime potencialisht fatale”, tha mjeku Shubam Vatsia.
Në videon e publikuar, doktoresha Vatsia shpjegon se si një ekip ekspertësh e hoqi në mënyrë efektive kacabunë dhe e shpëtoi pacientin, raporton PTI News.
Mjeku gastroenterolog spekulon se insekti mund të ketë hyrë në gojën e të riut teksa flinte, ose të ishte gëlltitur duke ngrënë.
Ky rast i pazakontë, megjithatë, nuk është unik. Vitin e kaluar, mediat botërore raportuan lajme të bujshme nga Australia, ku mjekët hoqën një krimb të gjallë nga truri i një gruaje britanike të paidentifikuar (64).
Edhe pse ky është rasti i parë i tillë në historinë e neurokirurgjisë, ekspertët mjekësorë kanë hequr më parë kafshë nga trupi i pacientëve. /Telegrafi/