Incidente të shumta janë shënuar gjatë ditës së sotme gjatë zgjedhjeve të jashtëzakonshme parlamentare në Serbi, dhe një e fundit ka ardhur nga Beogradi.
Sipas mediave të huaja, përcjell Telegrafi, opozitarët nga Partia Liri dhe Drejtësi kanë publikuar një video që është realizuar sot në Beogradin e Ri.
Siç thanë ata, ata dërguan anëtarët e tyre të Komisionit Republikan Zgjedhor për të kontrolluar “si SNS (e Aleksandar Vuçiqit) i klasifikon votuesit nga vendet fqinje” që votojnë në Beograd.
Mirëpo, siç thonë ata, me atë rast janë sulmuar fizikisht.
Siç shihet edhe në video, pjesëtarët e opozitës tentojnë të hyjnë në objekt, por një gjë të tillë nuk e lejojnë persona të cilët janë prezantuar si sigurim privat i “Arena-s”.
Ngjarja thuhet se ka ndodhur kur njëri nga rojet e sigurisë ka vërejtur se është duke u filmuar, kështu që ka sulmuar fizikisht një pjesëtar të opozitës. /Telegrafi/