Është inauguruar Pika Informuese Turistike në Junik, që është një hap historik për zhvillimin e turizmit dhe kulturës rajonale.
Ceremoninë e hapi kryetari i komunës së Junikut, Ruzhdi Shehu, i cili nw fjalimin e tij u shpreh falenderues për bashkëpunimin ndërmjet komunës së Junikut dhe NaturKosovo.
I pranishëm në këtë ceremoni ishte edhe ambasadoti Italian në Kosovë, Antonello De Riu, i cili theksoi se ky investim hap rrugë dhe mundësi më të mira për turizëm për komunën e Junikut, e cila është një zonë me potencial të madh turistik, ku De Riu ndër të tjera deklaroi se bashkëpunimi do të vazhdojë edhe më tej në zonat tjera.
Ky projekt është pjesë e iniciativës NaturKosovo, financuar nga AICS Tirana dhe me mbështetjen e Ambasadës së Italisë në Prishtinë, dhe realizohet në bashkëpunim me partnerë ndërkombëtarë si CELIM Milano, Fondacioni Utalaya, CAI, CNSAS, AITR, dhe Agenzia Italiana per la Cooperazione allo Sviluppo.
Hapja e pikës informuese shënon një moment të rëndësishëm, duke nxitur zhvillimin e qëndrueshëm të ekonomisë dhe promovimin e trashëgimisë kulturore dhe natyrore të Junikut. /Telegrafi/