Trajneri i Ballkanit, Ilir Daja, ka thënë se skuadra e tij do të kërkojë rezultat pozitiv ndaj Klaksvikut në ndeshjen e parë të raundit të tretë kualifikues të Ligës së Konferencës.
Ballkanit ndeshjet me Klaksvikun të enjten prej orës 20:00 në stadiumin “Fadil Vokrri” në Prishtinë.
Trajneri Daja në konferencën për shtyp e ka paralajmëruar ekipin e tij që të jetë maksimalisht i përqendruar, duke e krahasuar kundërshtarin me Zalgirisin.
“Në raundin e tretë nuk ka ndeshje të lehta, sepse ekipet apo ekipi që e kemi përball është i disiplinuar. Mendoj se duhet të jemi të përqendruar dhe ekuilibruar pasi gjithçka mund të vendoset nga detajet, ashtu siç na ndodhi me Zalgirisin”.
“Duhet të jemi cinikë, të shfrytëzojmë rastet dhe të arrijmë rezultat pozitiv”.
“Duhet të jemi të kujdesshëm dhe nuk mund të them se jemi ne apo kundërshtari favorit. Ekipi që do të ketë përqendrim maksimal do të shkon drejt objektivit. Shpresojmë të kemi fatin dhe të marrim fitore”, ka thënë Daja./Telegrafi/