Pjesa më e madhe e popullatës botërore vuan nga ndonjë problem kronik i tretjes i cili është i vështirë apo pothuajse i pamundur të trajtohet
Gastriti mund të shkaktohet nga faktorë të ndryshëm, mirëpo kryesisht gjendja shfaqet për shkak të mënyrës së të ushqyerit të pashëndetshëm dhe mënyrës së jetesës.
Diarreja dhe gastriti janë problemi më i shpeshtë i metabolizmit në gjithë botën.
Ekzistojnë shumë tretmanë mjekësorë, të cilët mund të zgjidhin këtë problem, mirëpo ata mund të jenë të shtrenjtë dhe afatgjatë, gjë që nuk të jenë të qasshëm për të gjithë.
Një ndër ilaçet më të shpeshta natyrale kundër problemeve të metabolizmit është menta. Menta është bimë me përparësi të shumta shëndetësore dhe gjithashtu është e lehtë të kultivohet, prandaj është e nevojshme ta mbillni në kopshtin tuaj, transmeton Telegrafi.
Çaji i mentës është i njohur edhe si çaj nane, gjithashtu është i njohur në pengimin e sëmundjeve të mishit të dhëmbëve. Aplikohet në gjithë botën tashmë me mijëra vjet.
Çaji i mentës përmban sasi të mëdha mentoli, i cili është i njohur për aromën e freskët dhe që aktivizon receptorët në organizëm.
Mentoli është përbërës i shpeshtë në shamponë kundër zbokthit. Çaji i mentës është shërues natyral, i cili mundtë ndihmojë personat me probleme siç janë dhembjet në stomak, diarreja apo kapsllëku.
Vepron si mjet kundër fryrjes, duke i ndihmuar ushqimit që të lëvizë më shpejt nëpër lukth dhe zorrë, gjë që është i dobishëm për metabolizëm.
Shumë shërues popullorë thonë se çaji i mentës, pos që ndihmon te rastet e krupës, zvogëlon edhe dhembjen në lukth.
Cilësitë analgjetike të çajit të mentës qetësojnë dhe relaksojnë zorrët, gjë që vepron ndaj simptomave irritabile të zorrëve dhe ngërçeve të lukthit.
Shumica e njerëzve e konsumojnë çajin e mentës kur vuajnë nga ftohja, sepse ai është plot kalcium dhe kalium, të cilët i japin impuls sistemit imunologjik.
Disa theksojnë se si pirja e çajit mund të ndihmojë edhe tek astma.
Për t’i shfrytëzuar cilësitë e kësaj bime, mund të përgatitni laç të thjeshtë i cili do t’i zgjidhë të gjitha problemet me metabolizmin dhe do të përmirësojë shëndetin tuaj të përgjithshëm.
Përbërësit:
– 3 – 4 fletë të freskëta të mentës,
– 1 filxhan uji mineral.
Përgatitja:
Mbushni me ujë një tenxhere, pastaj shtoni fletët e mentës. Mbulojeni tretjen dhe lëreni të qëndrojë 10 minuta, pastaj kullojeni çajin dhe mbajeni lëngun.
Pini 2 gota në ditë (preferohet pas racionit) që të mund të luftoni kundër dhembjeve të lukthit, gastritit dhe problemeve të tjera të tretjes.
Ky çaj bimor mund të zvogëlojë stresin dhe të qetësojë nervat tuaja në saje të sedativëve të tij.
Këshillë: Për çdo shqetësim shëndetësor që keni, sigurohuni që të konsultoheni me mjekun tuaj. /Telegrafi/