Tashmë janë mësuar datat e turneve kualifikues të turneut Major të CS:GO, IEM Rio 2022, i cili do të mbahet në qytetin Rio de Janeiro të Brazilit.
IEM Road to Rio është procesi i kualifikimit për IEM Rio Major dhe do të kalojë përmes Serisë tradicionale Rajonale të Renditjeve Major.
IEM Road to Rio do të zhvillohet nga 3 deri më 9 tetor dhe do të shtrihet në tre rajone, Evropë, Amerikë dhe Azi.
Për t’u kualifikuar në IEM Road to Rio, skuadrat do të duhet të kalojnë kualifikueset e tyre përkatëse rajonale që fillojnë në gusht.
Të ndarë në 7 rajone dhe me një total prej 22 kualifikuese të hapura dhe të mbyllura, vetëm më të mirët do t’ia dalin dhe do t’i afrohen turneut Major në Rio një hap më shumë. /Telegrafi/