Sulmuesi suedez, Zlatan Ibrahimovic ka bërë një postim me fanellën me numër të ri që do ta bart te Manchester Unitedi në sezonin e ri 2017/18.
Ibrahimovic u lëndua në fund të sezonin të fundit, lëndim ky që ende e mban jashtë fushave të blerta.
Pas këtij lëndimi drejtuesit e Djajve të Kuq ishin skeptik rreth zgjatjes së kontratës së tij, por në fund u vendos një zgjatje e re një vjeçare.
Suedezi pritet të kthehet në fushë diku në fillim të muajin nëntor, por numri i fanellës së tij ka ndryshuar tashmë, pasi do ta mbaj numrin 10.
“Unë kurrë nuk u largova, vetëm përmirësova numrin tim”, ka shkruar Ibrahimovic në profilin e tij në Twitter.
Ndryshe, sulmuesi suedez në sezonin e fundit mbajti fanellën me numër nëntë, numër që këtë sezon mbahet nga sulmuesi i ri, Romelu Lukaku. /Telegrafi/
I never left, I just upgraded my number @ManUtd pic.twitter.com/lgSviWHzei
— Zlatan Ibrahimović (@Ibra_official) September 7, 2017