Zlatan Ibrahimovic pësoi një lëndim të rëndë në ndeshjen e Ligës së Evropës ndaj Anderlechit.
Sezoni ka përfunduar për yllin e Djajve të Kuq, lëndimi ishte aq i rëndë sa që flitej edhe për përfundim të karrierës, por që lojtari e ka mohuar këtë.
Sulmuesi ka marrë mesazhe përkrahëse nga e gjitha bota, por më i bukuri deri më tani është nga tifozët e Malmos, aty ku edhe e filloi karrierën.
“Shërim të mirë, ju mund të luani në ligën e Suedisë me një gju”, shkruhej në banderolën e tifozëve në ndeshjen e fundit të klubit suedez, duke i kërkuar atij rikthimin.
Vlen të theksohet se Ibra nga Malmo ishte transferuar te Ajaxi për 8.7 milionë euro. /Telegrafi/
