Edicioni i 15 –të i Kampionatit Botëror të eSports – IESF për vitin 2023, do të zhvillohet në qytetin Iasi të Rumanisë.
Në përfundim të edicionit të 14-të të finales së Kampionatit Botëror të Esportit, pas dhjetë ditësh gare emocionuese, momentesh shoqërimi dhe një ceremonie spektakolare medaljesh në Bali të Indonezisë, tani edicioni i radhës do të zhvillohet në Iasi të Rumanisë.
Në edicionin e 14-të të kampionatit IESF, garuan mbi 600 lojtarë, që përfaqësojnë një numër historik prej 105 shtetesh.
Ndërkaq në edicionin e 15-të në Iasi do të marrin pjesë 130 kombe dhe 800 lojtarë .
Shtetet garojnë në më shumë se 12 video-lojëra të ndryshme në turneun IESF, i cili shpërndan çmime që kalojnë vlerën 100.000 dollarë për secilën prej tyre. /Telegrafi/