Florent Hadergjonaj ditë më parë ka kompletuar transferimin tek Huddersfield Town.
Skuadra angleze vendosi ta aktivizojë klauzolën për blerjen e lojtarit nga Ingolstadt për pesë milionë euro.
Hadergjonaj ka nënshkruar kontratë me klubin bardh e kaltër deri në verën e vitit 2021.
Në ndeshjen ndaj Swanseas ditën e shtunë, Hadergjonaj ia ka shpërblyer klubit besimin.
Mbrojtësi nga Deçani ishte më i miri në fushë dhe kësisoj ka marrë edhe notën më të lartë që ishte tetë.
23-vjeçari ishte fantastik në fazën defensive por bëri punë të madhe edhe në ofensivë me disa harkime të sakta por që nuk u shfrytëzuan nga sulmuesit e klubit vendas.
Huddersfield pas këtij barazimi ndaj Swanseas zë pozitën e 15-të në Ligën Premier me 31 pikë të grumbulluara.
Ndërkohë për Hadergjonajn ishte ndeshja e 20-të këtë edicion me fanellën bardh e kaltër ku ka bërë edhe dy asistime.
Në ndeshjen e ardhshme më 17 mars, Florenti së bashku me klubin e tij do të jenë nikoqir të skuadrës së fundit në tabelë Crystal Palace. /Telegrafi/
