Me një stadium shumë të vogël për Bundesligë, Holstein Kiel po ndjek ëndrrën që këtë sezon që po vije të luajë në nivelin më të lartë për herë të parë.
Pesë vite pasi erdhën nga divizioni i katërt, dhe vetëm vitin e shkuar nga i tretit, klubi nga veriu i Gjermanisë, por përjeton një ëndërr.
“Është diçka speciale, diçka historike”, thotë trajneri i skuadrës, Markus Anfang.
“Është e mundur natyrisht, jemi në garë, dhe do të japim gjithçka që ta arrijmë”.
Nëse dëshiron të futet në elitën e futbollit gjerman, Kiel, duhet ta mposht një klub të madh si Wolfsburg, në dy përballje.
Të enjten zhvillohet ndeshja e parë, ndërsa pas katër ditësh zhvillohet ndeshja tjetër.
Nëse Kiel arrin të kalojë, do ta ketë shumë të vështirë, pasi që rregullorja thotë duhet të kesh stadium.
Holstein-Stadium ka 10,000 ulëse dhe është shumë i vogël për ndeshjet e Bundesligës.
Bundesliga kërkon stadium me më së paku 15,000 tifozë në divizionin më të lartë, ku 8,000 duhet të jenë ulëse.
Drejtori i klubit, Wolfgang Schwenke, beson që mund ta marrin dritën e gjelbër që të luajnë në shtëpi.
Tifozët e Kiel duken të vendosur dhe duan ta shohin ndeshjen. Qyteti ka 250,000 banorë.
Kanë kaluar shumë vite kur një skuadër futbolli nga qyteti Schleswig-Holstein, ka fituar tituj kombëtarë.
Në vitet 1910 deri më 1930, klubi fitoi gjashtë tituj kampionati në Gjermaninë Veriore.
Ata kanë vetëm një titull kombëtar, kur fituan në vitin 1912.
Të dytit e kishin mbyllur në vitet 1910 dhe në vitin 1930, ndërsa nuk është në elitë që nga viti 1965.
Këtë sezon, Kiel ka avantazh ndaj Wolfsburgut pasi e përfundoi e treta në divizionin e dytë.
Wolfsburg shmangu zbritjen automatike nga Bundesliga me një fitore 4-1 ndaj Kolnit tashmë të larguar, fitorja e saj e parë në katër ndeshje. /Telegrafi/