Sulmuesi i Manchester United, Rasmus Hojlund, i ka thënë Erik ten Hagut se Christian Eriksen meriton më shumë minuta, duke e etiketuar atë si një ‘lojtar klas’.
Mesfushori danez rrëmbeu ballinat këtë javë pasi zbuloi nervozizmin e tij për mungesën e minutave tek Manchester United këtë sezon.
Eriksen nuk ka startuar në asnjë ndeshje që nga janari dhe ka qenë një rezervë e papërdorur në gjashtë nga shtatë ndeshjet e fundit.
Dhe Hojlund, i cili luan përkrah 32-vjeçarit për klubin dhe kombëtaren, nuk u kursye nga lëvdatat për bashkëlojtarin e tij dhe beson se atij duhet t’i dhurohet mundësia për të shfaqur kualitetin që ka.
“Unë isha në bankë rezervë tek Kopenhaga, kështu që e di se çfarë do të thotë kjo, por ai e mban kokën lart dhe është një lojtar klas. Natyrisht, ju dëshironi të luani futboll dhe jam i sigurt se ai e ka këtë dëshirë”, ka thënë fillimisht Hojlund.
“Ishte shumë e mirë që ai mori disa minuta ndaj Liverpoolit, unë mendoj se ai bëri me të vërtetë mirë kur u fut në lojë”.
“Ai është një lojtar i mirë, kështu që ju doni ta shikoni atë në fushë, por ne kemi shumë lojtar të mirë, kështu që i mbetet trajnerit të vendos nëse ai luan apo jo”, përfundoi ai./Telegrafi/