Fernando Hierro nuk do të vazhdojë si trajner i kombëtares së Spanjës ose të rikthehet në rolin e mëparshëm të drejtorit sportiv me të përfunduar Kampionati Botëror, ka konfirmuar Federata Spanjolle e Futbollit (RFEF).
Hierro ishte emëruar trajner i përkohshëm pasi Julen Lopetegui ishte shkarkuar në formë sensacionale një ditë para fillimit të Botërori sepse nënshkroi me Real Madridin.
Spanja u kualifikua në 1/8 të finales ku edhe u eliminua nga Rusia pas ekzekutimit të penaltive në Moskë.
Hierro nuk do të vazhdojë si trajner dhe RFEF ka konfirmuar se ai nuk do të qëndrojë në institucionin më të lartë të futbollit spanjoll në asnjë pozitë.
OFICIAL | Fernando Hierro y la RFEF comunican que, pese a tener contrato en vigor como Director Deportivo, declina seguir en el cargo.
🔗 https://t.co/Gm7PwfhqSO pic.twitter.com/Pkpi8Bgpwu— RFEF (@rfef) July 8, 2018
“Trajneri i fundit i kombëtares së Spanjës refuzoi që të kthehet në pozitën e mëparshme si drejtor sportiv i RFEF për të kërkuar horizonte të reja dhe për të ndërmarrë sfida të reja profesionale”.
“RFEF dëshiron të falënderojë Fernando Hierron për përkushtimin e tij dhe sensin e përgjegjësisë kur mori në drejtim kombëtaren në rrethana të jashtëzakonshme”.
“Federata dëshiron që të reflektojë vlerat e tij profesionale dhe humane të një atleti të jashtëzakonshëm”, thuhet në një komunikatë të Federatës së Spanjës.
Hierro pritet të vazhdojë aventurën si trajner në ndonjë klub spanjoll. /Telegrafi/