Bayern Munich është kthyer të fitoret në Bundesliga pas emërimit të Jupp Heynckes si trajner të skuadrës, pasi kanë fituar në shtëpi ndaj Freiburgut me rezultat të thellë 5-0.
Bavarezët kanë shënuar fitore të thellë në shtëpi ndaj Freiburgut, duke u këndellur me emërimin e trajnerit Heynckes, pasi dominuan këtë ndeshje.
Goli i parë i Bayernit erdhi në minutën e tetë të ndeshjes dhe ishte Julian Schuster, i cili shënoi në golin e gabuar për epërsinë 1-0.
Bayerni gjeti edhe golin e dytë në pjesën e parë, pasi shënuan në minutën e 42-të me anë të Kingsley Coman, i cili dërgoi skuadrën në pushim me epërsi 2-0.
Në pjesën e dytë, Bavarezët shënuan edhe dy gola tjerë për të vulosur një fitore të thellë ndaj Frieburgut.
Ishte Thiago Alcantara, i cili shënoi në minutën e 63-të për 3-0 pas asistimit të Mats Hummels, ndërsa radha për gol i erdhi edhe sulmuesit Roberto Lewandowski, i cili shënoi në minutën e 75-të për 4-0.
Fitoren dhe rezultatin përfundimtar e vulosi gjermani Joshua Kimmich me një gol në minutat shtesë për 5-0.
Pas kësaj fitore, Bayerni ngjitet në vendin e dytë në tabelë me 17 pikë, ndërsa Freiburgu renditet në vendin e 16-të me vetëm shtatë pikë.
Në gjiron e ardhshme, Bavarezët ndeshen në udhëtim me Hamburgun, ndërsa Freibuergu e pret në shtëpi Hertha Berlinin. /Telegrafi/