Ekipi danez ka mposhtur FaZe në finale për t’u shpallur kampion të turneut Blast Premier Fall Final në Kopenhagë të Danimarkës.
Kjo është finalja e dytë radhazi për ekipin Heroic, pas dështimin në IEM Rio Major ku u mposhtën nga Outsiders, kësaj radhe nuk dështuan në Kopenhagë.
Ndeshja e zhvilluar në formatin ‘Bo3’ ka përfunduar me rezultat të përgjithshëm 2-1 me mapa, ku deri në fund nuk dihej fituesi.
Heroic arriti që në vazhdime të fitoi në mapin e tretë, për t’u shpallur kampion i Blast Premier Fall Final si dhe çmimin prej 200.000 dollarësh.
C H A M P I O N S pic.twitter.com/uxgvx1R9Bi
— HEROIC (@heroicgg) November 27, 2022
Gjithashtu ekipi danez ka siguruar pjesëmarrjen në turneun Blast World Final që do të zhvillohet pas dy javësh.
Ekipi FaZe në vendin e dytë ka fituar çmimin prej 85.000 dollarësh, ku shfaqën formë të mirë krahasuar me turneun Major në Brazil. /Telegrafi/