Ekipi danez mposhti Na’Vin në një përballje të fortë për të siguruar pjesëmarrjen e tyre në PGL Antwerp Major 2022, që do të mbahet në Antwerp të Belgjikës.
Përballja në formatin ‘bo3’ shkoi në favor të ekipit Heroic, të cilët arritën të rikthejnë rezultatin pasi humbën mapin e parë në ‘mirage’.
Heroic arritën që të fitojnë dy mapat e fundit ‘inferno’ dhe ‘nuke’, duke e mposhtur kështu ekipin e dytë më të mirë të botës në CS:GO, Na’Vi.
![[HIGHLIGHTS] Heroic vs NaVi – Map 3 Nuke - PGL RMR EUROPE A - Day 2](https://i.ytimg.com/vi/dkYjHv7RcQE/hqdefault.jpg)
Forma e mirë e lojtarit një të botës s1mple, nuk i mjaftoi ekipit Na’Vi për të mposhtur ekipin Heroic, tani Na’Vi ka edhe dy mundësi të tjera për t’u kualifikuar në PGL Antwerp Major.
Ndeshja tjetër me rekord 2-0, është duke u zhvilluar ndërmjet ekipit FaZe kundër BiG, ku fituesi do të siguroj vendin për në PGL Antwerp Major.
Përbërja e ekipit Heroic:
Casper “cadiaN” Møller
Ismail “refrezh” Ali
Martin “stavn” Lund
René “TeSeS” Madsen
Rasmus “sjuush” Beck
/Telegrafi/