Dy ekipet Heroic dhe fnatic e kanë nisur me fitore në Katowice të Polonisë, pasi fituan ndeshjet e tyre të para.
Përkundër rezultateve 2-0 në ditën e parë të turneut, dita e dytë ka filluar me ndeshje më të nxehta dhe interesante.
Heroic ka fituar ndeshjen ndaj ekipit Complexity me rezultat të përgjithshëm 2-1 me mapa, ku shkëlqeu Jakob ‘jabbi’ Nygaard me 70 eliminime dhe vlerësimin nga HLTV 1.35.
Në anën tjetër fnatic ka mposhtur fituesin e Majorit, ekipin Outsiders me rezultat të përgjithshëm 2-1 me mapa, ku shkëlqeu kapiteni i ekipit William ‘mezii’ Merriman me 63 eliminime dhe vlerësimin nga HLTV 1.18.
Heroic do të përballet me ekipin OG në ‘Upper semi-finals’ ndërsa fnatic do të përballet me ekipin Vitality. /Telegrafi/