Tashmë kanë filluar edhe ndeshjet e grupit B në turneun ESL Pro League, ku 32 skuadra garojnë për një grup çmimesh prej 850.000 dollarësh.
Dita ka nisur me ndeshjen ndërmjet Heroic dhe Movistar Riders, ku fitues doli ekipi danez me rezultat të përgjithshëm 2-0 me mapa.
Martin ‘stavn’ Lund me paraqitjen e tij fantastike në të dyja mapat e ndihmoi ekipin e tij drejt fitores, me 45 eliminime dhe vlerësimin nga HLTV 1.72.
Ndërsa ekipi gjerman BIG ka fituar në derbin ndaj ekipit amerikan Complexity, edhe pse ishin duke humbur 0-1 me mapa, arritën të rikthehen në dy të fundit për ta fituar ndeshjen me rezultat 2-1.
Në këtë ndeshje lojtari më i dalluar ishte lojtari i ri i BIG Marcel ‘hyped’ Kohn me 65 eliminime dhe vlerësimin nga HLTV 1.25.
Për momentin janë duke u zhvilluar edhe dy ndeshje tjera në kuadër të grupit B, FURIA dhe Imperial po përballen në derbin brazilian, ndërsa SAW eshte duke luajtur ndaj MOUZ. /Telegrafi/
