Odiise Roshi ka shënuar golin e tij të parë me Terek Grozny.
Anësori i Kombëtares së Shqipërisë shënoi në minutat shtesë të takimit në fitoren 3-1 ndaj Rubin Kazanit.
Roshi shënoi pas një gjuajte të fortë në volle duke mos i dhënë portierit kundërshtar asnjë shpresë. Vlen të theksohet se në këtë takim shënoi edhe Bekim Balaj, i cili ka katër gola në kampionatin rus.
Pas kësaj fitore fitore Terek renditet në vendin e katër me 18 pikë, apo shtatë më pak se lideri, Spartak Moska.
Kurse Rubin Kazan vazhdon në vendin e dhjetë me 12 pikë. /Telegrafi/
