Kandidati për kryeministër i koalicionit PDK-AAK-NISMA, Ramush Haradinaj, ka vizituar disa biznese të suksesshme të Kosovës, të cilave u ka premtuar mbështetje.
“Sot takova dy nga shumë sipërmarrësit e suksesshëm në vend, “Albi-Mall”, qendrën më të madhe dhe më moderne në vend, si dhe fabrikën e këpucëve “Solid”, në Suharekë.
Bashkëbiseduam për sfidat dhe nevojat e tyre në zhvillimin e mëtutjeshëm të bizneseve të tyre.
U premtova se Qeveria jonë do të jetë partner i përkushtuar në përpjekjet e bizneseve që ato të rriten dhe të zhvillohen më tutje, të krijojnë vende të reja të punës.
Do të dëgjohet zëri i bizneseve, do të përkrahen për zhvillimin e mëtutjeshëm të tyre dhe zhvillimin e Kosovës.
Është kënaqësi të shohim sipërmarrës të tillë e të suksesshëm në vend, të cilët i japin shtytje të drejtpërdrejt zhvillimit të gjithmbarshëm ekonomik në vend”, ka shkruar Haradinaj në profilin e tij në Facebook. /Telegrafi/
