Site icon Telegrafi

Hamiltoni mbretëron edhe në Çmimin e Madh të Hungarisë, lë pas vetes Vettelin dhe Raikkonenin

Shkumbin Pireva

Lewis Hamilton ka fituar garën e sotme (e diel) e vlefshme për Çmimin e Madh të Hungarisë.

Piloti britanik ka arritur të fitojë edhe garën e radhës në Formula 1, pasi ka përfunduar i pari në garën e Hungarisë.

 

Hamilton është nisur nga vendi i parë në këtë garë dhe pas 70 xhirove ka arritur të mbaj këtë vend, duke përfunduar i pari në podium.

Në këtë garë të fortë, britaniku ka arritur ta lë pas vetes pilotin gjerman të Ferrarit, Sebastian Vettel, i cili përfundoi i dyti pasi nisi garën nga vendi i katërt.

Podiumi i çmimit të madh të Hungarisë u kompletua me pilotin tjetër të Ferrarit, Kimi Raikkonen, që përfundoi në pozitën e tretë.

Në pozitën e katërt përfundoi Daniel Ricciardo i Red Bullit, ndërsa vendi i pestë i takoi Valteri Bottas së Mercedesit.

Me këtë fitore, Hamilton ngrit edhe më shumë diferencën e me ndjekësin e tij, Vettel në vend të dytë.

Në renditjen e përgjithshme, britaniku ka 213 pikë, ndërsa gjermani ka 189 pikë. /Telegrafi/  

Exit mobile version