Kampioni i pesëfisht botëror i Formula 1, lewis Hamilton tha se lufta për titull është ende e hapur, pavarësisht nga fillimi i madh i sezonit.
Ngasësi i Mercedesit fitoi dy herë në tre garat e para, e cila gjë nuk ndodhi në garën e veturave të shpejta që nga viti 1992. Hamilton kryeson kampionatin me gjashtë pikë më shumë se shoku i skuadrës, Walteri Bottas.
Ferrari ishte më i miri në testimet para sezonale, por në fillim të sezonit po lufton me ritmin dhe me strategjinë.
Britaniku vlerësoi se skuderia italianie nuk tregoi gjithçka që mundi në tre garat e para të këtij sezoni.
“Nuk e di ku ishte Red Bulli, por e di se Ferrari është këtu. Mendoj se do të ketë gara që do t’i përshtaten më shumë. Ne nuk presim që të kemi një avantazh në Melburn, nuk prisnim një vonesë në Bahrein dhe ne nuk e prisnim këtë avantazh në Kinë”.
“Gjithçka është ende e hapur. Si ekip, ne ishim më të mirë, morëm rezultate pozitive dhe duhet të vazhdojmë. Këtë vit synojmë të jemi pothuajse të përsosur çdo fundjavë, por edhe mes tyre”, tha Hamilton.
Ndryshe, gara tjetër në programin e kampionatit është më 28 prill në Azerbajxhan dhe më pas vjen gara në Barcelonë, ku Ferrari ishte më i shpejti gjatë testimit. /Telegrafi/