Kryetari i Komunës së Vitisë, Sokol Haliti, ka pritur në takim përfaqësues të SBASHK-ut, pas situatës së krijuar për mos ekzekutimin e pagave për mësimdhënësit e kësaj komune.
Haliti ka kërkuar nga Ministria e Ekonomisë, Financave dhe Transfereve që të bëjë zgjidhje sa më parë, duke theksuar së Komuna e Vitisë nuk është fajtore për gjendjen e krijuar.
“Komuna e Vitisë, nuk është fajtore për gjendjen e krijuar duke theksuar se edhe çështja e kontratës kolektive, ribursimi i tyre, dhe ekzekutimi i pagave është detyrim i nivelit qendror”, tha kryetari Haliti.
Ai gjithashtu theksoi edhe shqetësimet lidhur me mjetet financiare që janë marrë po ashtu edhe nga kodi për investime kapitale, duke thënë se kjo ndikon drejtpërdrejtë negativisht edhe në zhvillimin ekonomik të komunës së Vitisë.
