Florent Hadergjonaj po vazhdon me paraqitje të mira te Kasimpasa, ku sot ishte ndër më të mirët në fitoren e skuadrës së tij si mysafir i Trabzonspor (4-3).
Reprezentuesi i Kosovës ka luajtur në pozitën e mbrojtësit të djathtë në këtë takim, ku ka asistuar një herë.
Më mirë thënë harkimi i tij në zonë, u prek nga një lojtar kundërshtarë për të shkuar topi në rrjetë për 3-3.
Florent Hadergjonaj asist 🔥🔥🔥 pic.twitter.com/EBpXuJFfQz
— Romak (@romaki16) October 30, 2020
Në fund skuadra ku luan edhe Loret Sadiku shënoi edhe një herë për të fituar takimin me rezultat 4-3.
Hadërgjonaj dhe Sadiku luajtën nga 90 minuta në këtë ndeshje.
Kasimpasa pas shtatë javësh zë vendin e katërt në Superligën e Turqisë me 11 pikë. /Telegrafi/